D´Nächstnliab... Liaba Gott

Thema Moral…     evtl Gebet, Zwiegespräch…

                                           

D´Nächstnliab…  Liaba Gott, 

 

„Den Nächstn muaßt liabm!“  - Ja, so hast Du moi g´sogt…

Und des waar da Weg hi´, zu dia!

Mit dera Liab´ hob i´  scho´ greisli´ mi´  plogt,

und  kenna  hoit hob i´ `s    fast  nia…

 

Da Nächste – mei´ Nachbar – des is´ doch da Mich´,

der olle Leit jedn Dog b´scheißt…

Der handlt mit Autos und aa  mit´ de Viech´…

A Bazi - des hamma dakneist!*

 

Den konn ma ned gern ham, den möcht ma daschlong!

Den z`liabm, kaam ma´ niamois ins Hirn…

Vo´ dem konn im Dorf aa ned oana wos song

wos guat is´! - Des muaßt scho´ kapiern !

 

Doch weils `D  as gern sehgatst, probierat i´ s´ diam**:

De Kahti, do drentn, vom Brei (Bräu),

beim übernächst´ Nachbarn, de kannt i´ scho´ liabm!

Dageng  is´  iatz   grod  no´  mei´  Wei´…

 

                                                            Copyright by Paul Uhl 05.08.05