Eisheilige

Im Mai, - so in da Mittn drin -
gibts jeds Joahr a poar koide Dog.
Und weil koa Heiliga i bin,
hob i mit dene hoit mei Plog.
 
Weil Servats, Pankratz, Bonifatz,
de bringa oft no Frost im Mai,
und aa d Sophie, de koide Matz,
de hejft dazua, des muaß so sei…
 
De Heilign, de san ned schuid,
sie stehn hoit im Kalenda drin.
De Bauernregl – ja, de gujt*…
Guad, dass koa Heiliga i bin !

 
                                                             Copyright by Paul Uhl.  15.05.12

* gilt