Sommer

De Sonna scheint  so woarm und schee;

`s is Summa wor(d)n in unsam Land!

Drin, im Gebirg, do schmejzt da Schnee,

de Flüss´ schwejn  o - fast bis zum Rand!

 

I hock in´ Biergoartn mi nei,

de Dirndln san so fesch beinand!

As Le(b)m konn goar ned scheena sei;
`s is Summa  wor(d)n  in unserm Land!

 

Am Badeweiher geht`s  iatz zua;

im Freibad aa – de Kinder plärrn…

`s werd Boi gspejt – erst auf d`Nacht is Ruah;

kunnt´st diamoi* scho weng granti  wer(d)n!

 

Doch soinn si frein d`Leit - kloa und groß,

dass`s  Summa is in unserm Gäu:

Des dauert oft poar Wochn bloß!

- Da Summa is so schnej vabei…

 

  * gelegentlich

 

 

                                                                             Copyright by Paul Uhl 2009