Sympathie ... a Drucksach

Grod kurz moi higschaut – ja und glei

a so a Gfuhj vo Sympathie.

Oj zwoa denga:   „Do kunnt wos sei…“

Bis iatz is bloß  Koketterie…

 

Ma trifft se zufällig – grod so…

poar Wort bloß und an  Händedruck,

Sie sogt zu eahm: „Ruaf mich doch o!“

Oi zwoa denga do gern dro zruck.

 

Dann trifft ma se in so na Bar,

er bringt se hoam, a  Bussl geht…

Des werd zur „Drucksach“ – ja, ganz klar -

und oiss scho in Bereitschaft steht…

 

A Liabsbriaf und a Bsuach im Haus,

und desmoj bussln se glei gscheit…

Und wos dann kimmt – du kennst di aus…

Mehr sog i ned – es duad ma leid…

 

P.U.  22.06.13